********************
Spaßapferl von Anatolie
********************

Im Somma

bin i beim Badesee

weil dort is’ schee.

Wenn die Tag’ so lang san

und so haß’

dass ma sonst net waß’

wohin!

 

Amol, des war im letzten Jahr,

bin i unterm Apfelbaum g’legn.

Schön schattig war’s

unterm Blätterdach

nur hie und da

kitzelte mi a Sonnenstrahl wach.

Nanu, dacht’ I – was is’ denn da?

Mei Blick fiel auf a grüns,

verwortakeltes Apferl

des do g’hängt is am Bam’

es schaute mi so grantig an

als hätt’ i ihm was tan!

I hab’s “mei Spaßapferl” tauft

Weils gar so zwider hat dreingschaut

dass ma si a jed’s Mal hat og’haut.

 

I hab’s richtig gern g’habt

und a mit ihm g’redt

“Servas Spaßapferl!”

hab’ i g’sagt. “Wie

geht's da denn heit?”

Irgendwann wollt i’s pflücken

und verdrücken

wenn’s reif is

darauf hab i mi g’freit.

 

Zwa Wochen später

komm i vom Urlaub z’ruck.

Der Baum war no durt –

aber a Ast hat g’fehlt –

Ja, genau der

mit mein Apferl dran!

Er war furt!

 

Mei liabs Spaßapferl

es tuat ma so lad

dass i net da war

und bessa auf di aufpasst hab!

 

 

********************
Am 4.7.2026 um 10:46 von Anatolie auf StoryHub veröffentlicht (https://storyhub.de/?s=iPGRN)
********************